Уый фæдыл дæлхайады кусджытæн раарфæ кодта цæгатирыстойнаг управленийы хицау Александр Хоружий
Цæгат Ирыстоны æнæнхъæлæджы уавæрты
министрады кадджын уавæры сбæрæг кодтой зынгхуыссынгæнджыты бон. Уый фæдыл
дæлхайады кусджытæн раарфæ кодта
цæгатирыстойнаг управленийы хицау Александр Хоружий. 30-æм апрелы Уæрæсейы
зынгхуыссынгæджыты службæйыл сæххæст уыдзæн 369 азы. Уыцы рæстæгмæ ацы къабазы
æрцыд бирæ ивддзинæдтæ æмæ сси системæ, кæцы канд фыдбылызы фæстиуджытæ нæ
иуварс кæны, фæлæ ма аразы мадзæлттæ, цæмæй ма æрцæуа. Ирвæзынгæнæг у, цардæн
тæссаг уавæрты адæмæн баххуыс
кæнынмæ цæттæ чи у, ахæмспециалист. Кадджын мадзалы хуыздæр кусджытæ хорзæхгонд æрцыдысты кады
гæххæттытæй. Уымæй уæлдай Стъараполы крайы æнæнхъæлæджы цауы фæстиуджытæ
чи иуварс кодтой, уыдонæн радтой Уæрæсейы æнæнхъæлæджы цауты министрады майдантæ.
2017-æм азы майы Стъараполы крайы
æрцыдысты тыхджын уарынтæ, æмæ уым цæгатирыстойнаг ирвæзынгæнджытæ сæхи
равдыстой хъазуатонæй. Сæ къухты рахастой æнахъом сывæллæтты, ацæргæ адæмы,
иуварс кодтой донивылды фæстиудджытæ.
