Цæгат Ирыстоны æнæзакъон бырондæтты фарста алыг кæнынæн стыр ахъаз у хауæццæгтæ куыстгæнæг заводы архайд. Æрвылбон уырдæм æрбаласынц 3 мин кубометры бæрц бырæттæ.
Султон Болтаев хауæццæгтæ куыстгæнæг заводы фæллой кæны æртыккаг аз. Цæгат Ирыстонмæ æрбацыд Узбекистанæй. Ам ма йемæ кусы бирæ йе мзæххонтæ. Бынæттон цæрджыты ахæм чъизи куыстмæ цæуын нæ фæнды, зæгъынц заводы разамонджытæ. Куыстуат архайы æхсæвæй-бонæй æнæ фæлладуадзæн бонтæй. 3 бригады кусынц радгай. Сæрмагонд линитыл бырæттæ æвзарынц, уый фæстæ сæ сæмбырд кæнынц. Хауæццæгтæ арвитынц полигонмæ.
Æрвылбон заводмæ æрбаласынц бырæттæ 3 мин кубометры бæрц. Хауæццæгтæн се 80% сты пакеттæ, бутылкæтæ, къоппытæ. Ардыгæй сæ арвитынц бакусынмæ Уæрæсейы алы регионтæм.
Завод хъуамæ архайа æрмæстдæр хъæбæр хауæццæгтимæ. Фæлæ сæм арæх æрбаласынц арæзтадон бырæттæ, æмæ ма суанг дзидзайы куыстгæнæг заводты уæлдæйттæ. Ис ма сæм æндæр лыггæнинаг фарстатæ дæр.
Теблойты Хъазыбег, заводы генералон директоры хæдивæг: «Бырон нæм афойнадыл не рбаласынц. Æмбыйын райдайынц, æмæ сæ уæд æвзарын зын вæййы. Уый у æфснайæн организациты аххос»: «Несвоевременно привозят мусор. Он начинает гнить, что создает потом трудности в его рассортировке. Вот такие проблемы тоже бывают. Это все уже вина уборочных организаций, которые занимаются уборкой города».
Бырон ласынц Дзæуджыхъæуæй æмæ хæстæгдæр хъæутæй. Заводы куыд зæгъынц, афтæмæй сæ куыст æнæ къуылымпытæй æххæст кæнынц. Уымæй уæлдай сæ бон бырæттæ исын у республикæйы æппæт районтæй дæр.
Хъайтмазты Дзерассæ
