Акцийы архайджытæ – æдæппæтæй 16 адæймаджы, сты философон скъола «Новый Акрополь»-æй. Сæ ахуыры сæйраг хъуыдытæй иу у адæймагæн æрдзимæ æмудæй цæрын.
Акцийы архайджытæ – æдæппæтæй 16 адæймаджы, сты философон скъола «Новый Акрополь»-æй. Сæ ахуыры сæйраг хъуыдытæй иу у адæймагæн æрдзимæ æмудæй цæрын.
Кусы 50-æм азтæй нырмæ. Ам ахуыр кæныны сæйраг нысантæй иу у, адæймаджы зондахсат æмæ миддуне фæхъæздыгдæр кæнын, æмæ йын æрдзы æууæлтæ йæ зæрдæмæ хæстæг айсынæн æххуыс кæнын.
Уый тыххæй сæм ис бирæ проекттæ, се хсæн экологон программæ «Бахъахъхъæнæм нæ хæхты сыгъдæгдзинад». Волонтертæ нæ республикæмæ ссыдысты уыцы проект æххæст кæнгæйæ. Сты алы кары, æмæ алы дæсныйæдтыл хæст. 16 адæймаджы ныртæккæ сты Цъæйы комы. Ссыдысты сæ фæлладуадзæн рæстæджы.
Сæ размæ сæвæрдтой хæс, нæ алыварс æрдзмæ куыдфæндыйы цæстæй ма кæсын, фæлæ йæ сыгъдæгдзинадыл архайын. Фæдзæхст бынат ныссыгъдæг кодтой быронæй, сæвæрдтой дзы нысантæ, сахуырстой бырутæ. Сæхæдæг куыд зæгъынц, афтæмæй ныридæгæн фæнд кæнынц, иннæ аз дæр ардæм ссæуын.
