филиал вгтрк государственная телерадиовещательная компания “Алания”

Уæлахизы фæзы сывæллæттæн раарфæ кодтой ногдзауты змæлды ветерантæ. Скъоладзаутæ ард бахордтой, кæй уыдзысты сыгъдæгзæрдæ, кæй уарздзысты сæ Фыдыбæстæ æмæ кæй тырндзысты ахуыры бæрзæндтæм хизынмæ. Абон ногдзауы ном чи райста, уыцы æвзонг лæппутæн æмæ чызджытæн сырх хъуырбæттæнтæ бакодтой сæ хистæр хæлæрттæ. Ногдзауты змæлды ветерантæ фæсивæдæн загътой бузныг, ацы хъуыддаг дарддæр кæй хæццæ кæнынц, уый тыххæй. Уымæн æмæ ныр уыдзысты дæнцæгæн хæссинаг кæстæртæн. Ныртæккæ Цæгат Ирыстоны ногдзауты организацийы ис 6 мин скъоладзауæй фылдæр.

Гæджиты Эрнæ, 26 скъолайы ахуырдзау: «Æз ацы бонмæ тынг æнхъæлмæ кастæн. Ацы бонæй мæ цард уыдзæнис æндæрхуызон. Пионер хъуамæ уа хорз, хистæртæм хъуамæ хъуса. Пионер хъуамæ хорз ахуыр кæна, йе мбæлттæн æххуыс кæна, æмæ æз дæр ацы бонæй фæстæм афтæ кæндзынæн».

Хъазиты Таня, 26 скъолайы ахуырдзау: «Абон мæнæ у бæрæгбон, æз мæхи цæттæ кодтон, æмæ азарыдтæн зарæг обелиск».

Соттиты Риммæ, фыссæг: «Сывæллоны уд цæмæй рæсугъд уа, хъæздыгдæр кæна, йæ зæрдæ райа цардмæ, фæллойыл æнувыд уа, уыдæттыл нæ ахуыр кодтой кандж нæ ныййарджытæ нæ, фæлæ ма ногдзауты раздзæуджытæ. Æмæ бирæ хорз хъуыддæгтæ уыд ногдзауты царды, фæлæ Советтон цæдис куы фехæдис, уæд нал уыдис ногдзауты организации. Стæй уæд фæстæмæ кæй фæзындис, ууыл цин кæнын хъæуы».