филиал вгтрк государственная телерадиовещательная компания “Алания”

Уый æххæстгæнгæйæ, сæрмагондæй ирон æвзагмæ тæлмац кæнынц сывæллæтты уарзон мультипликацион фильмтæ. Нырма уал бакуыстой 17-ыл. Уыдонæй 5 ратæлмац кодтой ирон æмæ дыгурон æвзæгтæм. 7 та сты æрмæст иронау. «Уæвгæ, сыл куыст рагæй цыд. Фæлæ тексттæ æмбæлгæ хуызы тæлмацгонд нырма ныр æрцыдысты» – зæгъынц ахуырады æмæ наукæйы министрады. Æмгуыст кæнынц филологтимæ, ирон æмæ дыгурон театрты актертимæ, ЦИПУ-йы аивæдты факультеты студенттимæ. Мультфильмты персонажтæ иронау дзурын райдайынц студи «Эксперт-медиа»-йы. Проект аразджыты ныхæстæм гæсгæ, хæстæгдæр рæстæг мультфильтæм сæ бон бакæсын уыдзæн сывæллæтты сфæлдыстады республикон галуаны. Уымæй уæлдай ахуырады æмæ наукæйы министрад кусдзæн ууыл, цæмæй тæлмацгонд мультфильмтæ æвдыст цæуой республикæйы телевизион каналтыл. Проект æххæстгæнгæйæ ма фæнд кæнынц «Нарты Кадджытæм» гæсгæ ирон æвзагыл сисын мультфильмтæ. Уый тыххæй сфидар кодтой юридикон бартæ, ссардтой нывгæнджыты. Скодтой цыбыр скъуыддзаг. Хъуыддаг къуылымпы кæны, æрмæстдæр сæм æхца кæй нæй, уый.