Æмбырды дзырдтой, ахуыргæнæндæтты куыстмæ цавæр фиппаинæгтæ ис, уый тыххæй.
Раиртæстой 43 къуылымпыдзинæды, уыдонæй ныры онг аиуварс кодтой 37. Сæрмагондæй æрдзырдтой ахуырадон курс «Этикæйы æмæ дины культурæты бындур»-ы тыххæй.
Раиртæстой 43 къуылымпыдзинæды, уыдонæй ныры онг аиуварс кодтой 37. Сæрмагондæй æрдзырдтой ахуырадон курс «Этикæйы æмæ дины культурæты бындур»-ы тыххæй. Фыццæгæм сентябрæй фæстæмæ республикæйы скъолаты 4-æм кълæсты райдыдтой ахуыр кæнын ацы предмет, цæуынц ма йæ 22-æм скъолайы 5-æм кълæсты ахуыргæнинæгтæ дæр. Æххæст сты æппæт хъæугæ литературæйæ. «Этикæйы æмæ дины культурæты бындур» арæзт у 6 хайæ. Ныййарджытæ фылдæр æвзарынц этикæйы, стæй дунейы динты бындур. Æмбырды ма снысан кодтой фидæны азмæ куысты пълан дæр.
Мæхæмæтты Ахуырбег, ЦИПУйы президент: «Махæн та нæ коллеги архайы ууыл, цæмæй иумæйагæй Ирыстоны ахуырады æмæ наукон куыст хуыздæр цæуой. Мæ бон зæгъын у, Уæрæсейы аккаг бынат кæй ахсæм, иумæйаг ахуырады скъолатæ дæр, профессионалон ахуыргæнæндæттæ дæр. Уыцы хъуыддаджы нæ коллегийы фарн бирæ у, уымæн æмæ фарстатæм кæддæриддæр фæкæсæм лæмбынæг, æмæ æнгомæй куы архайай, уæд хъуыддæгтæ хуыздæр цæуынц».
