«Практикон маркетинг амалхъом адæмæн». Цæгат Ирыстоны амалхъомдзинадæн æххуысы фонды арæзт æрцыд семинар республикæйы бизнесментæн.
Ахуыртæ амоны экономикон наукæты доктор, Уæрæсейы паддзахадон гуманитарон университеты маркетинг æмæ рекламæйы кафедрæйы профессор Абаты Алан. Семинары сæйраг нысан у – амалхъом адæмы дæсныйад фæбæрзонддæр кæнын. Профессор куыд зæгъы, афтæмæй уый фадат ратдзæн бизнесы райрæзтæн, стæй фæуæрæхдæр уыдзысты йæ гæнæнтæ. Лекцитæм байхъуыста 40 адæмагæй фылдæр. Ахуырты лæмбынæг æвзæрстой маркетингы гæнæнтæ, стæй республикæйы базарадон экономикæйы уавæр.
Абаты Алан, Уæрæсейы паддзахадон гуманитарон университеты маркетинг æмæ рекламæйы кафедрæйы профессор, экономикон наукæты доктор: «Æгæр цыбыр рæстæг рацыд, мах бæстæ базарадон экономикæйы закъонтæм гæсгæ куы цæры, уæдæй нырмæ. 25 азы дæр ныл нæма рацыд. Хъуамæ та бирæ рæстæг рацæуа. Маркетинг чиу, уымæн бирæ ахуыр кæнын хъæуы, æмæ нæм профессионалтæ бирæ нæма ис, маркетингы дзæбæх кусын чи зоны. Йæ фæрæзтæй йын пайда кæнын чи зоны, ахæмæтæ. Æмæ нæм фылдæр профессионалтæ куы уа, уæд хуыздæр цæудзæн нæ маркетингы куыст».
