Холлæгтæ ис фаг. Ныртæккæ фосдарджытæ зымæгмæ цæттæ кæнынц хос æмæ силос. Уый тыххæй быдырты тауынц цалдæр хуызы кæрдæг æмæ дзы фосы холлагæн сæвæрдзысты фидар
«Ацы быдыр у фосы холлæгтæн агургæ æмæ æнæссаргæ,- зæгъы республикон агрохолдингы сæйраг агроном Кокойты Георгий. – Тыд дзы ис люцерна, клевер, æмæ æндæр пайда кæрдæджытæ, æрвылбоны холлæгтæн æмæ хос цæттæ кæнынæн».
Агрохолдинг «Березка»-йы нысан кæнынц рæстæмбисæй иу стуры хыгъдмæ хос 1 тоннæ, силос та 6 тоннæйы бацæттæ кæнын. Хæдзарады дарынц хæрзхъæд мыггаг фос, æмæ иннæтæй хицæн кæнынц стыр æмæ уæззау кæйс ты, уымæй.
Куыстуаты ныридæгæн дæр скодтой 500 тонны хос 250 та хъæмп. Фæлæ холлæгтæ кæныны куыст нырма разæй ис. Цæгат Ирыстоны куыд иннæ хуссайраг регионты афтæ, холлæгты сæйрагдæр хай скæнынц натхоры силосæй. Æфснайын æй райдайдзысты августы кæрон.
«Холлæгтæ цæттæгæнæн куыстмæ куыд сарæхсæм, уымæй бирæ аразгæ у», – зæгъы æрыгон комбайнер Гуыриаты Хетæг.
Фосæн куыд хæрын кæнай, æхсыр æмæ дзидза дæр афтæ дæтдзысты, дзурынц фермæйы.
Æхсыр чи дæтты, уыцы стуртæн хъæуы уæлдай хæрзхъæддæр хæринаг. Уымæ гæсгæ сын зымæгмæ сцæттæ кæнынц 8 куызы кæрдæг, æфтауынц æм комбикорм дæр. Уыймæй аразгæ у продукцийы хæрзхъæддзинад. Холлæгты бындурмæ стыр æргом кæй здахынц, уый тыххæй æппæтуæрæсеон наукон – иртасæн институты цы конкурс сарæзта, уым сын саккаг кодтой сызгъæрин майдан.
