Республикæйы спортсменкæтæ Цæгат Кавказы федералон зылды ерысты сылгоймæгты боксæй рамбылдтой нудæс майданы.
11 аздзыд Дзебысаты Ноннæ цалдæр азы размæ йæхицæн фидарæй снысан кодта куклатæй хъазыны рæстæг ын кæй нал у, æмæ йæ бафæндыд иæ курдиат æмæ арæхстдзинад исты хъуыддаджы раргом кæнын. Бæлвырддæр та – спорты. Сывæллæтты ирхæфсæн фæз баивта тренировкæтæ кæнæн залæй æмæ боксерты рингæй. Ныр Ноннæйы тæрхæджытыл хъазæнты бæсты ис алыхуызон турнирты призты. Сæ сæйрагдæр у – Цæгат Кавказы федералон зылды ерысты сызгъæрин майдан.
Дзебысаты Ноннæ, Цæгат Кавказы федералон зылды боксæй ерысты уæлахиздзау: «Цыппар азы мыл куы цыди, уæд мын мæ фыд балхæдта боксеры æрмхудтæ. Æмæ иу хæдзары тренировкæтæ кодтон. Уый фæстæ мæ æрбакодта бокчерты клубмæ».
Цæгат Кавказы турниры иинæ уæлахиздзау Икъоты Марина фидарæй уырны сылгоймæгты боксæн Ирыстоны стыр фидæн кæй ис, уый. Фæлæ, хъуыддаг бæллиццаг уыдзæн спорты ацы хуыз тынгдæр куы рапарахат уа, уæд.
Икъоты Маринæ, Цæгат Кавказы федералон зылды боксæй ерысты уæлахиздзау: «Маринæ æмæ йæ хæлар Хæллаты Илонæ тренировкæтæм цæуынц Майрæмадагæй. Сæ тренер Евгений Матвеев сылгоймæгты боксмæ йе ргом æрæджы аздæхта. Йæхæдæг куыд зæгъы, афтæмæй фыццаг рæстæг æнхъæл нæ уыди хъуыддаг фæрæстмæ уыдзæн, уый. Фæлæ йæ хъомылгæнинæгты æнтыстдзинæдтыл ныр дызæрдыг нал кæны.
Евгений Матвеев: «Сты тынг куыстуарзаг æмæ разæнгардæй цæуынц тренировкæтæм. Цыбыр рæстæгмæ размæ зынгæ къахдзæф акодтой. Семæ у æнцон кусæн, уымæн æмæ тырнынц уæлахизтæм. Чызджытæ тæрсгæ нæ кæнынц, сты æнæзивæг».
Евгений Матвеевы командæ ныртæккæ йæхи цæттæ кæны республикон ерыстæм. Икъоты Маринæ, Дзебысаты Ноннæ æмæ Хæллаты Илонæ путевкæтæ райсдзысты Уæрæсейы Чемпионаты архайынмæ.
Касаты Наирæ
