Уый тыххæй абон пресс-конференцийы фехъусын кодта вице-премьер Зæнгионты Виталий.
Журналистты фæрстытæн ма дзуапп лæвæрдтой фæндæгты æдасдзинадхъахъхъæнæг паддзахадон управленийы сæргълæууæг Беккуызарты Хасанбег, тæрхондæтты пъырыстыфты федералон службæйы сæргълæууæг Гæцойты Светланæ æмæ парламенты депутаттæ
Журналистты фæрстытæн ма дзуапп лæвæрдтой фæндæгты æдасдзинадхъахъхъæнæг паддзахадон управленийы сæргълæууæг Беккуызарты Хасанбег, тæрхондæтты пъырыстыфты федералон службæйы сæргълæууæг Гæцойты Светланæ æмæ парламенты депутаттæ. Куыд радзырдтой, афтæмæй фæндæгтыл видеокамерæтæ кæй ис, уый фæрцы фаронимæ абаргæйæ республикæйы фæндæгты адæм фæмард 17% къаддæр. Афæдзмæ бахыгътой 650 æгъдаухæлдæй фылдæр. Гæцойты Светланæйы ныхæстæм гæсгæ, фарон шофыртæй ивар æрæмбырд кодтой 8 милуан сомæй фылдæр. Æмбырды стыр æргом аздæхтой, фæндæгты видеокамерæты нысантæ æвæрын хъæуы, æви нæ, ууыл. Фарста кæронмæ лыггонд нæма æрцыд. Беккуызарты Хасанбеджы хъуыдымæ гæсгæ, фæстаг 5 азмæ фæндаггон æгъдаухæлдтытæ фæкъаддæр сты. Фыдбылызты нымæц бирæ у, республикæйы машинæтæ цас æмбæлы, уымæй 3 хатты фылдæр кæй ис, уый тыххæй. Хъуыддаг алыг кæныны тыххæй Дзæуджыхъæуы сараздзысты бирæуæладзыгон лæууæн бынæттæ.
Беккуызарты Хасанбег, РЦИ-Аланийы фæндæгтыл цæуыны æдасдзинады паддзахадон инспекцийы разамонæг: «Куы æркæсæм фæстаг 5 азмæ, уæд фарон 25 адæймаджы къаддæр фæмард нæ фæндæгтыл. Фылдæр кæнынц нозтджын шофыртæ. Фарон 7 мин адæймагыл сарæзтам протоколтæ, нозтджын кæй уыдысты, уый тыххæй. Закъонмæ гæсгæ, мах уыцы протокол раттæм тæрхондонмæ, æмæ йæм уым фæкæсынц афæдз. Шофырæн йæ бардæттæг гæххæттытæ вæййынц йæхимæ, æмæ ма уыцы æмгъуыдмæ ноджыдæр æгъдаухæлдтытæ скæны».
