Мæздæджы спорткомплекс, Заводскойы бæхты спортивон манеж, Кæрдзыны æмæ Ногиры спортивон залтæ саразынæн хъуамæ радтой 100 милуан сомæй фылдæр.
Уый тыххæй абон журналисттæн æмæ интернетæй пайдагæнджытæн йæ пресс-конференцийы радзырдта фæсивæды хъуыддæгты, физкультурæ æмæ спорты министр Челæхсаты Рустем.
Уый тыххæй абон журналисттæн æмæ интернетæй пайдагæнджытæн йæ пресс-конференцийы радзырдта фæсивæды хъуыддæгты, физкультурæ æмæ спорты министр Челæхсаты Рустем. Иннæ аз уалдзæджы Беслæны райдайдзысты тхэквондойы галуан æмæ спортивон зал аразын. Куыст цæуы футболæй хъазæн фæзтæ кæнгæ уæлцъарæй бамбæрзыныл дæр. Рустемы ныхæстæм гæсгæ араздзысты æппæтуæрæсеон ерыстæ хъæбысхæстæй, уæззау атлетикæйæ æмæ фехтованийæ. Куыд загъта, афтæмæй фæсивæдон центр «Барс»-ы бæстыхай хицауады уынаффæмæ гæсгæ бакодтой Исбоны министрады дæлбар æмæ йæ арендæйы ратты Фæсивæды хъуыддæгты, физкультурæ æмæ спорты министрадæн. Министр æрдзырдта Цæгат Ирыстоны зæххыл олимпаг арт ахæссыны эстафетæ бацæттæ кæныныл дæр. 30-æм январы 90 адæймаджы уыцы арт æвддæс километры æмæ `рдæг хæсдзысты Намысы Аллеяйæ Сæрибары фæзмæ. Уыцы рæстæг барадхъахъхъæнджытæ æмæ специалисттæн æххуыс кæндзысты 700 бархионы.
