филиал вгтрк государственная телерадиовещательная компания “Алания”

Бацæттæ йæм кодтой плакаттæ æмæ баннертæ терроризм æмæ экстремизмы ныхмæ. Хицæн номинацийы бæрæг кодтой хуыздæр видеороликтæ. Конкурсы архайджыты сæ кармæ гæсгæ дихгонд æрцыдысты 2 къордыл: 10 азæй 15 азы онг, стæй 16 азæй 30 азы онг. Конкурс сарæзта нациты хсæн ахастдзинæдты фарстаты министрад. Жюрийы та уыдысты нывгæнджытæ, психологтæ, информацион фæрæзты минæвæрттæ. Сæ иумæйаг хъуыдымæ гæсгæ ахæм сфæлдыстадон ерыстæ фæлтæрты бæттынц кæрæдзиуыл. Фæзыны сæм иу хъуыды æмæ йæм иумæйагæй тырнынц. Терроризм æмæ экстремизмимæ тох кæнгæйæ та, бæстæ дæр уыдзæн сабыр, алы кары, алы адæмыхæттытæ уыдзысты лымæндæр.

Цæллагты Артур, РЦИ-Аланийы национ ахастдзинæдты фарстаты министрады экстремизмимæ тох кæныны æмæ дины организацитимæ æмгуыстады хайады хицауы хæдивæг:
«Хъыгагæн, темæ кæд экстремизмимæ тох кæнын у. Фæлæ уый ууыл дзурæг у æмæ кæрæдзиимæ хъуамæ лымæн уæм: дыны фарстаты. Куысты, алыхуызон архайды. Хъуамæ ма дих кæнæм. Æмæ цæмæй уый нæ кæстæртæн бамбарын кæнæм, ацы конкурс дæр арæзт æрцыд Нæ республикæйы 93 дины иугонды ис, 15 конфессийы, адæмыхæттытæ та 100 бæрц – æмæ цæмæй уой лымæн, уый тыххæй æрвылбон хъæуы кусын. Нæ хистæртæ нын ныууагътой сабырдзинад, хæлар ахастдзинæдтæ динты хсæн, адæмты хсæн… Æмæ мах дæр ууыл кусæм».