Цæгат Ирыстоны хицауад æмгуыстады бадзырдтæ бафыста Хуссар Ирыстоны республикæимæ. Хицауадты `хсæн къамисы æмбырд уыди Цхинвалы æмæ бадзырдтæ баст сты базарадон-
Уæрæсе æмæ Хуссар Ирыстоны хсæн социалон-экономикон æмгуыстады фæдыл хицауадон 9-æм æмбырд гом кæнгæйæ республикæйы президент Тыбылты Леонид бузныг загъта Уæрæсейы разамындæн стыр æргом сæм кæй здахынц. Æмæ сын кæй æххуыс кæнынц, уый тыххæй. Куыд загъта, афтæмæй ацы аз Хуссар Ирыстоны рæзтæн арæзт æрцыд бирæ хъуыддæгтæ. Æмæ мА уыцы къабазы куыст цæудзæн дарддæр дæр.
Абон Хуссар Ирыстоны арæзт цæуынц бирæуæладзыгон ног социалон бæстыхæйттæ, фæндæгтæ, æмæ æндæр цардархайды объекттæ. Æрæджы Цхинвалы цалцæджы фæстæ байгом хуыйæн фабрикæ. Хуссар Ирыстонæн 120 куысты бынаты гыццыл нæу.Республикæмæ Уæрæсейы инвестицитыл дзургæйæ бæстæйы президенты æххæстбарджын минæвар Цæгат Кавказы Федералон Зылды Александр Хлопонин загъта, æмгуыстад фидардæр кæй кæндзæн, уый.
Æмбырды архайдтой УФ-йы алыхуызон министрадты æмæ ведомствæты минæвæрттæ æмæ се `мкусджытæ Хуссар Ирыстонæй. Бафыстой социалон-экономикон, наукон техникон æмæ культурон æмгуыстады тыххæй бадзырдтæ.
Документ бафыстой Хуссар Ирыстоны президент Тыбылты Леонид, Цæгат Ирыстоны сæргълæууæг Мамсыраты Таймураз æмæ Хъæрæсе – Черкессийы сæргълæууæг Рашид Темрезов. Документ йæ тыхы уыдзæн 5 азы. Йе `мгъуыд куы фæуа, уæд æй сног кæндзысты.
