филиал вгтрк государственная телерадиовещательная компания “Алания”

Культурæйы фæрцы та кæрæдзийæн фылдæр аргъ кæнын. Ахæм хæс сæ размæ сæвæрдтой 43-æм скъолайы ахуыргæнджытæ, конкурс «Кавказ – нæ иумæйаг хæдзар» архъуыдыгæнгæйæ. Ацы аз цæуы 7-æм хатт, æмæ куыд зæгъынц, афтæмæй ацы конкурсы архайгæйæ, сывæллæттæ удыхъæдæй кæнынц хъæздыгдæр. Бамбарынц нациты хсæн хæлар ахастдзинæдты мидис, сæ ахадындзинад. Конкурсы архайынц ахуырдзаутæ 1-æй – 11-æм къласы онг. Хæлттæ æппаргæйæ сæ алчидæр бацæттæ кодта бæлвырд адæмыхатты кафт, зарæг, историон инсценировкæ. Уæвгæ, патриотон æмæ интернационалон хъомыладон куыст скъолайы кæнынц æппынæдзух. Саразынц бæрæгбæттæ, сæрмагонд уроктæ, æрбахонынц национ æхсæнадты минæвæртты. «Скъолайы 18 адæмыхатты ахуыр кæны, фæлæ се ппæтт дæр сты хæлар» – зæгъынц ахуыргæнджытæ.

Тедеты Альбинæ, 34-æм скъолайы ирон æвзаг æмæ литературæйы ахуыргæнæг: «Раздæр иу куыд уыд, интернационалон куыст, афтæ йæ кæнæм ныр дæр. Нæ фарсмæ æрбалæууынц ныййарджытæ дæр. Стыр æххуыс нын фæкæнынц. Куыд мæм кæсы, афтæмæй ныййарджытæн сæхи зæрдæмæ дæр цæуы. Сывæллæттимæ мах кусæм, хъомыладон куыст кæнæм мах семæ. Æмæ йæ уыдон дæр бамбарынц – адæм кæрæдзийæ хицæн нæ кæнынц цы адæмы хатт сты, уымæ гæсгæ. Фæлæ хъуамæ хицæн кæной культурæйæ, æфсармæй, се гъдауæй»

Габеты Сергей, 34-æм скъолайы ахуырдзау: «Ацы фестиваль не скъолайы арæзт кæй æрцæуы, уый мæнмæ гæсгæ тынг хорз æмæ цымыдисаг у. Уымæн æмæ ма бирæ цыдæртæ базонæм. Нæ гыццыл Кавказы бирæ адæм цæры æмæ хъуамæ уæм лымæн. Уый тыххæй та хъæуы иннæты культурæ зонын».