Уыдзæн Грознайы. Республикæйы спортсментæ ерысты сæ цæттæдзинад цы спорты хуызты æвдисдзысты, уыдон нырма парахат нæма сты, фæлæ сын уæддæр фæсивæд архайынц сæ сусæгдзинæттæ базоныныл æмæ ерысты сæхи хорзæй равдисыныл. Республикæйы командæйы тренертæ куыд зæгъынц, афтæмæй Цæгат Ирыстоы минæвæрттæ ерыстæм цæттæ сты æмæ дзы сæ бон бауыдзæн майдантæ рамбулын.
Хæстæгдæр рæстæг Грознамæ ацæудзæн Ирыстоны иугонд командæ. 50 адæймагæй дзы 2 чызджы йеддæмæ нæй, фæлæ сты дæнцæгæн хæссинаг. Таймазты Дианæ командæйы у се ппæтæй æрыгондæр. Кавказаг хъæзтыты фестивальмæ цæуы дыккаг хатт. Тырны æрмæстдæр уæлахизмæ.
Зындгонд фатæхсæг Томайты Людмилæ спорт ацы хуызæй архайы 30 азæй фылдæр. У бирæ ерысты уæлахиздзау. Фестивальмæ 5-æм хатт цæудзæн, æмæ куыд зæгъы афтæмæй ацы хъæзтытæ стыр ахъаз сты фæсивæды æрбангомдæр кæныны хъуыддаджы. Æмтгæй та у хæлардзинады, сабырдзинады æмæ адæмы иугæнæг бæрæгбон.
Ныртæккæ республикæйы спортсментæ сæхи цæттæ кæнынц ерыстæм. Цы спорты хуызты дзы æвдисдзысты сæ цæттæдзинад, уыдон кæд нырма парахат не сты, уæддæр фæсивæд архайынц æппæт сусæгдзиндæтæ базоныныл, цæмæй ерыты сæхи хорз равдисой, уый тыххæй.
Афтæ зæгъæн ис, æмæ республикæйы рæттыл хъæбысхæст æрæджы фæзынд. Фæлæ ныридæгæн дæр æрыгон спортсментæ цæмæй раппæлой, уый ис. Хъæбысхæсты ацы хуызмæ æрбацæуыны спорты иннæ хуызтæй чи архайдта, уыдон дæр. Афтæ цымыдис сæм кæсы.
Бирæтæ дис кæнынц, спорты ацы хуызы чызджытæ кæй архайынц, уый. Фæлæ сæ къухы цы нтыстдзинæдтæ фтынц, уыдонмæ кæсгæйæ та вæййынц сæрæстыр.
Кавказаг хъæзтытæм хаст æрцыдысты рæстæгмæ æмæ 100 метры дистанцимæ тачкæтыл уæзæгтæ ласын, годзыкъæхтыл цыд æмæ æндæр, нырма парахат чи нæу, ахæм спорты хуызтæ. Раст зæгъгæйæ, дзы хуыздæр арæхсынц рог атлетикæйæ чи архайдта, уыцы спортсментæ.
Республикæйы командæйы тренертæ куыд зæгъынц, афтæмæй цæгатирыстойнаг спортсменты цæттæдинад хорз у æмæ сæ бон у майдантæ рамбулын.
