Уый тыххæй кусæг фембæлды культурæйы министр Милдзыхты Руслан фехъусын кодта республикæйы сæргълæууæг Битарты Вячеславæн.
Цæгат Ирыстоны культурæйы кусджытæн фæфылдæр кæндзысты сæ мызд. Уый
тыххæй кусæг фембæлды культурæйы министр Милдзыхты Руслан фехъусын
кодта республикæйы сæргълæууæг Битарты Вячеславæн. Ныхас ма цыд, аразын æмæ
цалцæг кæнын кæй хъæуы, уыцы хъæуты культурæйы хæдзæрттæ 2019-æм азы федералон
программæмæ бахæссыны фарстайыл, стæй ацы азы программæтæ дæр царды куыд
æххæстгонд цæуынц, ууыл. Культурæйы министр куыд фехъусын кодта, афтæмæй
федералон программæты кæй архайынц, уый фæрцы 25 милуан сомы ист æрцыдысты
федералон бюджетæй. Цæгат Ирыстоны театр та Гранты фæрцы самал кæндзæн ног
декорацитæ æмæ театралон костюмтæ. Ифтонггонд цæудзысты сывæллæтты музыкалон
скъолатæ дæр. Парти «Иугонд
Уæрæсе»-йы программæйы фæрцы таклубты кусæнгæрзтæ баивдзысты ногтæй. Æрдзырдтой, паддзахадон
филармонийы къордтæн ирон æвзаг æмæ литературæйы музейы цы фадæттæ ис, ууыл.
Ныр афæдзы æмбис сæ репетицитæ цæуынц ам. Республикæйы сæргълæууæг бабар кодта,
цæмæй фылдæр мадзæлттæ арæзт цæуой фæсивæды курдиат райхалынæн. Ныхас ма
цыд Цæгат Кавказы кинохроникæйы студи
федералон исбонæй республикæмæ раивын æмæ йæ бындурыл Цæгат Ирыстоны
кинохроникæйы студи саразыныл. Йæ нысан уыдзæн, кæддæр хъуыстгонд киноисæн
кустуат ногæй йæ къахыл слæууын кæнын. Республикæйы сæргълæууæг йе ргом аздæхта
ахæм фарстатæм дæр куыд, ирон театры аивадон Советы куыст, стæй бæстыхайы
цалцæг, национ музейы райрæзт æмæ ахуыргæнæн кълæсты ифтонгдзинад.
