филиал вгтрк государственная телерадиовещательная компания “Алания”

Театртæ æмæ кино, национ литературæ æмæ драматурги, библиотекæтæ, ахуыргæнæндæттæ, концерттæ.  Культурæйы объекттæн аргъ скæнын æмæ, сæ размæ цы ахсджиаг фарстатæ лæууы, уыдон алыг кæнынæн фæрæзтæ ссарын. Ахæм нысанимæ Цæгат Ирыстоны культурæйы министрады цур арæзт æрцыд æхсæнадон совет. Йæ хыгъды сты культурæйы минæвæрттæ. Æдæппæтæй 19 адæймаджы. Æмбырды бæстон æрдзырдтой, республикæйы кæй нæй театралон критиктæ æмæ æрыгон драматургтæ, ууыл. Ныхас цыд, Дзæуджыхъæуы цы концерттæ арæзт æрцæуы, уыдоны хæрзхъæддзинадыл дæр. Советы уæнгтæ куыд загътой, афтæмæй абон бирæ артисттæ зарынц фонограммæйы фæрцы.

Айларты Асæхмæт, РЦИ-Аланийы культурæйы министрады æхсæнадон советы уæнг: Куыд уынæм, афтæмæй ныллæгæй ныллæгдæр кæны нæ культур, йæ кæцыдæр къабæзтæ, æмæ йæ гыццыл фезмæлын кæнын хъæуы. Зæгъæм, театралон критиктæ нæй Ирыстоны æмæ уый хъæугæ хъуыддаг у. Ирон национ драматургийыл ныхас кæндзыстæм, тынг æвзæр уавæры ис. Библиотекæтæ, музейтæ æмæ культурæйы иннæ къабæзтыл цæудзæн ныхас».