филиал вгтрк государственная телерадиовещательная компания “Алания”

Информацион технологитæ æмæ тæрхондæтты куыст… Цæгат Ирыстоны кусын райдыдта тæрхондæтты Советы къамис. Йæ уæнгтæ сбæрæг кæндзысты республикæйы тæрхондæтты автоматизацийы æмæ информатизацийы æмвæзад, кусджыты дзы цас æмæ куыд пайда кæнынц, цас æххуыс сын сты сæ куысты, уый.

Уымæй уæлдай ма къамисы уæнгты хæс у, федералон программæ «Рæсттæрхон» республикæйы куыд æххæстгонд цæуы, уый сбæрæг кæнын.

Цæгат Ирыстоны сæйраг тæрхондоны сæрдар Мæхæмæтты Бек куыд загъта, афтæмæй фæстаг рæстæг информацион технологитæ тынг парахат сты тæрхонгæнæн системæйы. Йæ фæрцы адæмæн ис æргом æмæ комкоммæ бастдзинад тæрхондæтты кусджытимæ.

Уыимæ ацы къабазы сæ куысты бæрæггæнæнтæм гæсгæ федералон номхыгъды 8-æм бынатæй схызтысты 3-æм бынатмæ.

Ахæм бæрнон къамис республикæмæ ссыд фыццаг хатт. Йæ уæнгтæ сты Уæрæсейы регионты, облæстты æмæ крайты сæйраг тæрхонгæнджытæ, стæй УФ-йы Сæйраг тæрхондоны цур департаменты разамынды минæвæрттæ.

Джиоты Сослан, РЦИ-Аланийы тæрхонгæнджыты Советы сæргълæууæг: «Ссыдысты нæм æнæнхъæн Уæрæсейæ минæвæрттæ. Бæрæг кæнынц куыд кусæм, уый. Аргъ нын кæнынц. Цы федтой æмæ цы хатдзæгтæ скодтой, уый фæдыл цæуы æмбырд. Тынг æхсызгон нын у ахæм бæрнон делегаци нæм кæй ссыд. Тынг фæлтæрдджын кусджытæ сты æмæ абоны ныхас хъуамæ уа ахадгæ».