Республикæйы ис æртæ клубы. Дыууæ дзы сты сывæллæтты комплекстæ «Снежный барс» æмæ «Алани», иу та хистæрты.
Æвзонг хоккеистты тынгдæр сразæнгард кодта «Фыццаг каналы Кубок»
Æвзонг хоккеистты тынгдæр сразæнгард
кодта «Фыццаг каналы Кубок», æвдыстой йæ комкоммæ эфиры. Дзæуджыхъæуккаг
лæппуты дæр фæнды, стыр аргъ кæмæн кæнынц, уыцы спортсменты хуызæн
хъазын. Астаздзыд Константин Парамонов хоккеймæ цæуы æртæ азы. Касти
æппæт матчтæм дæр, æмæ йæ бафæндыд зындгонд хоккеист суæвын. Йæ зæрдæйы
ис иу бæллиц – Олимпаг хъæзтытæ рамбулын. Уымæ бæллы йæ хæлар Таймазты
Арсен дæр. Олимпаг хъæзтыты æртæ хатты чемпион Таймазты Артуры фырт
хоккейы размæ архайдта хъæбысæйхæцыны секцийы. Арсен йæхæдæг куыд зæгъы,
афтæмæй йын ис дыууæ уарзон спортсмены, йæ фыд Артур æмæ дунейы
зындгонд хоккеист Александр Овечкин.
Хоккей Ирыстоны спорты иннæ хуызты
æмвæзадмæ сисыныл нырма бирæ кусын хъæуы, фæлæ йыл ныридæгæн ис
иузæрдион спортсментæ. Уымæ гæсгæ фидарæй зæгъæн ис: клубтæ афтид нæ
уыдзысты.
