филиал вгтрк государственная телерадиовещательная компания “Алания”

Æрбацыдысты сæм ирхæфсæн центр «Радугæ»-йы аниматортимæ æмæ быдзæутимæ æмæ сын сарæзтой хъæлдзæг изæр, скодтой сын лæвæрттæ… Æртæ къуырийы студенттæ рынчындоны кодтой практикæ, сывæллæттыл тынг фæцахуыр сты. Æмæ сын фæнд кæнынц ахæм æхсызгон бæрæгбæттæ арæх аразын. Фидæны дохтыртæ куыд зæгъынц, афтæмæй сæ хæс у сывæллæтты æнæниздзинад хъахъхъæнын, фидардæр æй кæнын æмæ сæ дзæбæх кæнын. Сæ хъæлдзæг худт та у æппæтæй хуыздæр хос.

Моргуаты Фатимæ, Цæгат Ирыстоны медицинон академийы студентты профилон цæттæдзинады центры хицау: «Не студентæ ам бирæ рæстæг нæ уыдысты, фæлæ сывæллæтимæ тынг фæлымæн сты. Æмæ сын мæнæ сарæзтой бæрæгбон. Фæнды сæ бахъæлдзæг кæнын. Цæмæй сæхи аирхæфсой æмæ сæ сæ низтæ ферой уой».