филиал вгтрк государственная телерадиовещательная компания “Алания”

Рæсугъд адæмон сфæлдыстад. Цæгат Ирыстоны национ музей нæ республикæйы курдиатджын нывгæнджытимæ бацæттæ кодта æрмдæсныты равдыст «Арвæрдын».

Экспозицимæ хаст æрцыдысты дæс авторы куыстытæ – сæдæйæ фылдæр. Се хсæн сты кавказаг музыкалон инструменттæ, национ уæлæдарæс, хъæдæй конд нывтæ æмæ статуэткæтæ, стæй цæлгæнæны рагон дзаумæттæ. Нывгæнджытæ сæ куыстытæ саив кодтой ирон орнаментæй æмæ этникон мотивтæй. Равдыстмæ чи æрбацæуа, уыдоны бон у цымыдисаг экспонаттæ балхæнын дæр. «Арвæрдын» ис национ музейы равдыстыты залы, æмæ йæ фенæн уыдзæн ацы мæйы кæронмæ. Се ппæт куыстытæн дæр ис стыр ахадындзинад.