филиал вгтрк государственная телерадиовещательная компания “Алания”

«Кавказы таурæгътæ». Ахæм сæргондимæ Цæгат Ирыстоны национ музейы байгом равдыст. Хъобаны бронзæйы культурæ, астæуккаг æнустæй чи баззад, ахæм экспонаттæ, ирон адæмы национ æрмдæсныйады дзауматæ. Се ппæт дæр сты Национ музейы хъæздыг фондтæй ист. Равдысты сæйраг нысан у адæмы историон, археологон æмæ этнографион стæм æрмæджытимæ зонгæ кæнын. «Кавказы таурæгътæ» феныны фадат уыдзæн Цæгат Кавказы иннæ горæтты цæрджытæн дæр. Дыууæ боны фæстæ равдыст уыдзæн Грознайы, уый фæстæ та Стъараполы æмæ Налцыччы. Мæйы кæрон та экпозици ногæй равæрдзысты Дзæуджыхъæуы.

Хъантемыраты Эльбрус, РЦИ-Аланийы национ музейы наукон-экспозицион хайады сæргълæууæг: «Мæн таурæгъы куыд у, хæссынæн рог, хæрынæн адджын, зондæн пайда, ахæм равдыст у. Равдыст райдыдтам 2-æм мин азæй, нæ зæххыл цы ивад уыдис, цы адæм цардис, уыдоны сфæлдыстадæй, суанг æрбахæццæ стæм 18 æнусмæ. Равдыстмæ чи бацæуа, уый фендзæнис, нæ зæххыл цы адæм цардис. Нæ рагфыдæлтæ, уыдонмæ цы дæсныйад уыдис, æрзæткъахынмæ, базарадон фарстатæ, сæ дин, сæ зондыахаст, базарадон ахастдзинæдтæ сын кæимæ уыдис ирон адæмы фыдæлтæн».