филиал вгтрк государственная телерадиовещательная компания “Алания”

Цæгат Ирыстоны паддзахадон автоинспекцийы кусджытæн ныр бар уыдзæни фæсарæйнаг номыртæ цы машинæтыл ис, уыдоны томожняйы гæххæттытæ бæрæг кæнынæн.

Ивддзинад йæ тыхы бацыд знон. Уый тыххæй йæ пресс-конференцийы фехъусын кодта паддзахадон автоинспекцийы хицау Беккуызарты Хасан. Йæ ныхæстæм гæсгæ, уый хорзырдæм фæзындзæн Уæрæсейы территоримæ траспорт ласыны сестемæмæ цæстдар. Уæлдайдæр та Хуссар Ирыстонæй æмæ Гуырдзыйæ, стæй ацы машитæны архайдимæ цы æгъдаухæлдтытæ æрцæуы, уыдон æргом кæнындæр уыдзæн æнцондæр. Афтæ, 2014-æм азы 7 мæймæ фæсарæйнаг машинæты аххосæй æрцыди 48 фæндаггон фыдбылызы. Арæх ахæм машинæты хицæуттæ алидзынц фыдбылызы бынатæй. Уымæн æмæ уыцы машинæтыл слест кæнын вæййы зындæр. Таможняйы разамынд куыд зæгъы, афтæмæй фæсарæйнаг транспортæн æнæ регистрацийæ Уæрæсейы йæ бон æртæ мæйæ фылдæр уæвын нæу. Ног закъонмæ гæсгæ, бæрæггæнæнтæ таможня дæтдзысты паддзахадон автоинспекцимæ. Хъуыддагмæ йæ цæст дары хицауад.