Иу сахат агитацион æрмæгæн телеуынынады æмæ радиойы эфиры. Цæгат Ирыстоны Парламенты депутаттæм кандидаттæ сæхи цæттæ кæнынц æвзæрстыты агъоммæйы компанимæ.
Депутаттæм кандидаттæ хæлттæ сæппæрстой. Афтæмæй сбæрæг ис, дзыллон информацийы фæрæзты сын лæвар агитаци кæныны фадат цы бонты уыдзæн, уый. Се рмæджытæ æвдыст цæудзысты паддзахадон телерадиокомпани «Аланийы» эфиры, стæй мыхуыргонд уыдзысты газеттæ «Северная Осетия» æмæ «Рæстдзинады». 7 кандидатæн фадат уыдзæн сæ хъуыдытæ зæгъынæн каналты «Россия 1»-ы æмæ «Россия 24»-ы, стæй «Вести ФМ»-ы æмæ «Радио России»-йы уылæнтыл 20 кусгæ боны. Газет «Северная Осетия»-йы æмæ «Рæстдзинады» та алы кандидатæн дæр мыхуыргонд æрцæудзæн фæйнæ æртæ æрмæджы. Агитацион рæстæг ахæсдзæн 12-æм сентябрмæ. Хæлттæ ма сæппæрстой Дзæуджыхъæуы территориалон æвзарæн къамисы. Горæты думæмæ кандидаттæн агитацион æрмæг мыхуыр кæныны фадат лæвар ис муниципалон газет «Владикавказ»-ы. Кандидаттæ сты 200-йæ фылдæр. Уыдонæй мандаттæ райсдзысты 32-йæ.
Плиты Алыксандр, Дзæуджыхъæуы администрацийы инфомацион хайады хицау: «Мах сын дæттæм лæвар… газеты фæрстыл. Агитацион рæстæг уыдзæн… æрмæг».
