филиал вгтрк государственная телерадиовещательная компания “Алания”

Цæгат Ирыстоны Парламенты уæнгтæ бабæрæг кодтой завод «Победит», æмæ федтой ракетæты электродтæн фидар æмтадтæ куыд кæнынц, уый. Завод «Победит»-ы уыдысты Парламенты Сæрдар Алексей Мачнев æмæ профилон комитеты разамонæг Андиаты Сослан. Федтой, сæйраг цехтæ куыд кусынц, уый æмæ базонгæ сты фæллойгынджыты уавæртимæ. Ивгъуыд æнусы астæу Цæгат Ирыстоны бакуыстой уæззау æмтадты технологийыл. Рацарæзты фæстæ азты ацы методикæ бирæ куыстуæттæ нæ бахъахъхъæдтой. Фæлæ дзы «Победит»-ы та пайда кодтой активонæй. Ирыстойнаг заводы уадзынц, тайгæ чи нæ кæны, ахæм электродтæ. Фылдæр кусынц хуызджын згъæримæ. Сæ продукци сын бацагурынц наутæ æмæ ракетæтæ аразæг куыстуæттæ. Парламенты сæрдар Алексей Мачневы хъуыдымæ гæсгæ нæ республикæйы сæйраг къабаз у промышленность. Æрмæст фарон «Победит» продукци ауæй кодта 2 миллиард сомæн. Ацы азы фыццаг кварталмæ та йын йæ продукци дзæвгар фылдæр агурджытæ ис. Фæлæ абон куыстуатæн йæ бон фылдæр кусын уаид, зæгъы заводы разамонæг. Ивгъуыд дыууæ азимæ абаргæйæ фæнд кæнынц æртæ хатты фылдæр продукци уадзын.