филиал вгтрк государственная телерадиовещательная компания “Алания”

Цæгат Ирыстоны политикон репресситы амæттаг баисты 14 мин адæймаджы. Сæ хъысмæты тыххæй сын йæ чингуыты ныффыста политикон репресситы амæттæгты цæгатирыстойнаг ассоциаци «Номарæн»-ы сæрдар Зураты Ауызби. Рухс уал федтой йе `хсæз томы. Чингуыты бæлвырд фыст у хицæн адæмты цардвæндаг, цæмæн æрцыдысты репрессигонд, цавæр лагерты уыдысты. Хицæн томы ис, Цæгат Ирыстоны цы адæмыхæттытæ цард æмæ репрессигонд чи æрцыд, уыдоны тыххæй дæр. 6-æм томы та Зураты Ауызби радзырдта 30-æм, 40-æм, æмæ 50-æм азты райдайæн кæй фехстой, уыдоны тыххæй – республикæйы сæ нымæц у 1500-йæ фылдæр. Ныртæккæ фæнд кæны 7-æм том рауадзын дæр.

Зураты Ауызби, политикон репресситы амæттæгты цæгатирыстойнаг ассоциаци «Номарæн» – ы сæрдар: «Сæ нæмттæ, кæд райгуырдысты, кæс цардысты, кæм куыстой, цæ тыххæй ахст сты, цавæр статья, цал азы йын радтой, æппæт информации дзы ис. Мæ бон зæгъын у, æмæ 15 фыццаг секретары, обкомты, райкомты, горкомты, 15 лæджы фехстой, 7 прокуроры, республикæйы стырдæр прокурортæ, 39 фысджытæ, уыдоны дæр æрцахстой».