филиал вгтрк государственная телерадиовещательная компания “Алания”

Боны фæткы сæйраг фарста уыд профцæдисты Уставмæ ивддзинæдтæ бахæссын. Уый та уымæн хъæуы æмæ Уæрæсейы хæдбар профцæдисты федераци йæ Уставæн скодта ног редакци. Бахастой йæм ног хай – территориалон профцæдистæм цæст чи дардзæн, уыцы оргæнты тыххæй. Ног документмæ гæсгæ ныр УФ-йы æппæт профцæдистæм дæр уыдзæн иумæйаг домæнтæ. Паддзахадон финансон политикæ фидаргонд кæй æрцыд, уымæ гæсгæ ног Уставы фыст сты æвзарæн-хатдзæгтæгæнæн кампанитæ куыд кæнгæ сты, уый дæр. Ивдзинæдтæ фæзынд профцæдисты разамонджыты æвзарыны хъуыддаджы дæр. Нырæй фæстæмæ профцæдиты сæргъы æрлæууæн уыдзæн, æрмæстдæр сæрмагонд ахуырад кæмæ уа, уымæн.