Арæзт у паддзахадон автоинспекцийы æмæ республикæйы æхуырад æмæ наукæйы министрады фæндонмæ гæсгæ.
Акцийы сæйраг нысан у, сывæллæттæ кæм бахауынц, ахæм фæндаггон фыдбылызты нымæц фæкъаддæр кæнын. Паддзахадон автоинспекцийы кусджытæ фыццаг урок скодтой Дзæуджыхъæуы 11-æм скъолайы. Ахуырдзаутæн радзырдтой фæндаггон нысантæ зонын куыд ахсджиаг у, уый. Цæмæй фæндаггон æгъдæуттæ сывæллæттæ сæ зæрдыл хуыздæр бадарой, уый тыххæй сын байуæрстой хуызджын нысантæ. Сабитæ сæ хъуамæ бакæной сæ уæлæдарæсыл кæнæ сæ хызынтыл. Нысантæ зындзысты ирд цырæгъты хуызы æмæ сывæллон талынджы фæндаджы сæрты куы хиза, уæддæр æй шофыртæ уындзысты. Фыццаг ахæм урок скæнынæн 11-æм скъола хуымæтæджы нæ равзæрстой. Фарон фæндаггон фыдбылызты профилактикон конкурсы ацы ахуыргæнæндон бацахста 1-аг бынат.
Хæстæгдæр рæстæг инспектортæ бабæрæг кæндзысты районты скъолатæ дæр. Акци ахæсдзæн иу мæй.
