Хъуамæ алы цуанонмæ дæр уа хæцæнгарз дарыны æмæ хицæн цæрæгойтæ æхсыны тыххæй бардæттæг гæххæтт.
Фæстаг рæстæг та цæуыл цуан кæной уый ис. Нæ республикæйы хъæдтæм баластой зубртæ, сæгуыттæ, хуытæ, сагтæ æмæ æндæр цæрæгойтæ. Фæлæ сæ цуанонтæ æнæауæрдонæй куы марой, уæд зынæй парахат кæндзысты. Браконерты та нæдæр ивар уромы, нæдæр уголовон хъуыддаг. Ахæм æгъатыр адæмæй йæ дæлбар цæрæгойты хъахъхъæны Æфсати. Хъæдты цæрæгойты паддзахæн ахæм цыртдзæвæн ис æрмæстдæр цæгат Ирыстоны Цъæйы комы. Скульптор Дзбойты Михал дзы равдыста йæ æгæрон тых. Йæ худ саджы сыкъатау, йæ рахиз къуыхы лæдзæг та ссæнды æрдзæн зианхæссæг цуанæтты фаттæ. Цырдтдзæвæн ацы ран сæвæрдтой 80-æм азты æмæ уыцы рæстæгмæ тынг ныззаууат, ныртæккæ Æфсати йæхæдæг у фæкæсинаг æмæ цуанæттæ стæй цуанæтты хæдзарад рахаста уынаффæ сæхи хъаруйæ йæм базилын.
Дзестелты Барис, РЦИ-Аланийы æрдзон ресурсты мнистрады цуанæтты хæдзарады управленийы хицау: «Алы сырд дæр хъæуы, алы дидинæг дæр хъæуы æмæ уыцы хорздзинад адæмæ лæвæрд и сæмæ сæ хъуамæ хъахъхъæнæнм.Нæ райсом боныл дæр хъуамæ хъуыды кæнæм. Нæ кæстæртæн исты хорздзинадæй ныууадзæм, цæмæй нæ кæстæртæ уыной, Æфсати цæмæн хъæуы, цавæр дзуар у. Абон мах уыцы хъуыддæгтыл куы нæ бацархайæм, уæд æй зонгæ дæр бирæ азты фæстæ ничиуал кæндзæнис. Æмæ ууыл архайæм. Нæ фыдæлты фарнæн сафæн нæй, не гъдауæн сафæн нæй æмæ уый алы дурры мидæг дæр ис. Æмæ уыцы хъуыддæгтæ махæй аразгæ ст ыæмæ сæ кæнæм».
