филиал вгтрк государственная телерадиовещательная компания “Алания”

Цæгат Ирыстоны райдыдта ирон адæмы национ бæрæгбон – Джеоргуыба. Хонынц
ма йæ Лæгтыдзуармæ кувæн къуыри дæр. Бæрæгбон ахæссы иу къуырисæрæй –
иннæмæ. Ирон æгъдаумæ

гæсгæ, хуыцаубоны аргæвдынц нывонд гал, къуырисæры та – фыс. Уыцы бонмæ
алы хæдзары дæр сæхи рагацау цæттæ кæнын райдайынц. Æфсинтæ скæнынц
нæртон бæгæны, хæдзары хистæр скувы æртæ чъирийы æмæ бинонты бафæдзæхсы
Хуыцауыл æмæ йе сконд зæдтыл. Бæрæгбон у адæмы иугæнæг. Æнæхъæн къуыри
кæрæдзимæ фæцæуынц уазæгуаты, сыхæй-сыхмæ скæнынц куывдтæ.
Джеоргуыбайы сæрмагондæй фæкувынц нæлгоймæгтыл аудæг – Лæгтыдзуармæ.
Кувæг лæгтæ Хуцауæй фæкурынц Ирыстонæн сабырдзинад, фарн æмæ амонд.