филиал вгтрк государственная телерадиовещательная компания “Алания”

Алы адæймагмæ дæр ис æгæрон энерги. Уымæ гæсгæ йæ гæнæнтæ дæр бирæ сты. Фæлæ уыцы гæнæнтæй се ппæт сæ царды не спайда кæнынц. Уымæн æмæ уый къухы бафты, æрмæстдæр иу хъуыддаг æххæст кæнгæйæ. Ома, адæймаг йæ алфамблай æрдзимæ иудзинадмæ куы тырна, æмæ царды хуыздæр миниуджытыл куы ахуыр кæна, уæд. Ахæм хъуыдыйыл хæст у психолог Тотраты Давид. У культурон-рухстауæн проект «Æз дæн хæдзары» – йы автор. Йе мцæдисонтимæ иумæ психолог кæсы цымыдисаг лекцитæ. Байхъусынмæ сæм æрбацæуынц алы кары адæм. Психолог йæхæдæг куыд зæгъы, афтæмæй йæ сæйраг хæстæй иу у – адæмы сахуыр кæнын кæрæдзиимæ раст ныхас кæнын. Уымæн æмæ уымæй аразгæ у рухс фидæн, хæлар ахастдзинæдтæ. Тотраты Давиды фидарæй уырны, ирон адæмæн ацы зæххыл стыр нысаниуæг кæй ис, уый. Индо-ирайнаг культурæйы хæзнатæ ныры фæлтæрæтæм дæр æнтыстджынæй хæццæ кæнынц. Ацы проект кусы социалон хызты дæр. Уымæ гæсгæ дзы архайын у алкæйы бон дæр.