Цæгат Ирыстоны сæргълæууæг Мамсыраты Таймураз сæ профессионалон боны фæдыл раарфæ кодта Цæгат Ирыстоны мидхъуыддæгты министрады кусджытæн.
Цæгат Ирыстоны сæргълæууæг Мамсыраты
Таймураз сæ профессионалон боны фæдыл раарфæ кодта Цæгат Ирыстоны
мидхъуыддæгты министрады кусджытæн.
«Сымах стут, лæгдзинад æмæ бæрнондзинад
ахсджиаг кæм сты, уыцы дæсныйадыл хæст. Алы фæлтæртæ бындур цы
традицитæн æвæрдтой, уыдон дарддæр æххæст кæнут. Хъахъхъæнут
республикæйы цæрджыты сабырдзинад æмæ закъонад. Барадхъахъхъæнæг оргæнты
кусджытыл ис бæрнон хæс – терроризм æмæ экстримизмы ныхмæ тох кæнын,
уый та пъæлицæйæгтæй домы иттæг хорз службæ æмæ фидар удыхъæды
миниуджытæ. Цæгатирыстойнæгтæ стыр аргъ кæнынц мидхъуыддæгты министрады
кусджыты лæгдзинадæн, зæгъы Таймураз. Адæмы æдасдзинады тыххæй йæ цард
чи радта, уыдоны кæдфæндыдæр хъуыды кæндзысты. Уæлдай бузныг зæгъын
мидхъуыддæгты министрады ветерантæн. Сæ фæлтæрддзинадыл ахуыр кæнынц
æрыгæтты. Уырны мæ, Цæгат Ирыстоны мидхъуыддæгты оргæнты кусджытæ амæй
фæстæмæ дæр сæ ахсджиаг æмæ зын службæ дарддæр дæр бæрнонæй кæй æххæст
кæндзысты, уый. Мæ зæрдæ уын зæгъы, æнæниздзинад!»,- загъд ис Мамсыраты
Таймуразы арфæйы фыстæджы.
