Равдыстытæ, концерттæ, конкурстæ æмæ ма бирæ цымыдисаг хъуыддæгтæ арæзт æрцыд уыцы æхсæв.
Цæгат Ирыстоны сарæзтой æрвылазон
Æппæтуæрæсеон акци «Библионочь». Равдыстытæ, концерттæ, конкурстæ æмæ ма бирæ
цымыдисаг хъуыддæгтæ арæзт æрцыд уыцы æхсæв. Æппæт мадзæлтты нысан уыд чингуыты дунемæ æрбахонын
адæмы. Се ргом цæмæй фылдæр здахой чынгуытæ æмæ документалон кинонывтæм
кæсынмæ. Ацы аз фестивалы темæ уыди «Магия книги». Сæйрагдæр мадзал арæзт æрцыд
Национ наукон библиотекæйы. Фестиваль «Библионочь-2018» -ы архайдта бирæ
адæм. Се ппæт дæр уыдысты, чиныджы хъару
чи æмбары, ахæмтæ. Зонадон æхсæв иу фæзы æрбæмбырд кодта алы кары адæмы, сæ
фылдæр фестивалы архайдта фарон дæр, æмæ сæ ныхæстæм гæсгæ æдзухдæр æнхъæлмæ
кæсдзысты ацы акцимæ. Йæ саразджытæ – нæ
республикæйы культурæйы министрад æмæ Национ наукон библиотекæ. Куыд зæгъынц,
афтæмæй иннæ аз мадзал уыдзæн ноджы цымыдисагдæр.
