Бæрæгбоны фæдыл фидæны æфсæддонтæн раафæ кодта республикæйы æфсæддон комиссар Юрий Морозов, ветерантæ, стæй æхсæнадон архайджытæ.
Бæрæгбоны фæдыл фидæны æфсæддонтæн раафæ
кодта республикæйы æфсæддон комиссар Юрий Морозов, ветерантæ, стæй
æхсæнадон архайджытæ.
Æфсадмæ сидыны фæззыгон кампанийы
рагагъоммæйы хатдзæгтæм гæсгæ, æфсадмæ нæ республикæйæ æрвыст æрцæудзæн
иу мин лæппуйы. Уыдонæй сæдæйæ фылдæр службæ кæндзысты сурфæндагон
æфсæдты. 150 сиддоны æрвыст æрцæудзысты, стратегион нысаниуæг кæмæн ис,
ахæм ракетон æфсæдтæм. Фæсивæд ма службæ кæндзысты мидхъуыддæгты, стæй
æнæнхъæлæджы цауты министрады хайæдты. Цыппар сæдæ лæппуйы та ахуырад
райстой ДОСААФ-ы æмæ службæ кæндзысты сæ дæсныйадмæ гæсгæ. Ирыстойнаг
лæппутæ баххæст кæндзысты 205-æм хицæн хъазахъхъаг бригад Стъараполы.
Бесаты Роберт, сиддон: «Æз службæ
кæнынмæ цæуын МВД-йы æфсадмæ. Мæн рагæй фæндыдис службæ кæнын, æмæ мæнмæ
гæсгæ алы нæлгоймаг дæр йæхи хъуамæ бавзара æмæ бамбара, йæ бон цы у
æфсады, уый. Йæ ныййарджытæ йæ цуры куы нæ уой, æмæ алы хъуыддаг дæр
йæхимæ куы кæса».
Бедойты Руслан, ДОСААФ-ы цæгатирыстойнаг
хайады сæрдар: «Æфсадмæ цæуынц нæ лæппутæ, нæ фæсивæд. Æз сæрыстыр дæн,
цы фæсивæд нын ис, уымæй. Æмæ мæм ахæм хъуыды ис, уыдон сæ хæс сæххæст
кæндзысты куыд æмбæлы, афтæ, уый тыххæй æмæ сæ цæттæ кодтам мах дæр,
стæй военкомат дæр бирæ архайдта. фæсивæд абон цы ныстуантæ райстой,
уыдон кæронмæ хъуамæ сæххæст кæной. Уый тыххæй æмæ зонынц, нæ фыдæлты
тырысатыл фыст уыдис кад æмæ намыс æмæ уыдон хъуыдыгæнгæйæ службæ
кæндзысты».
