Уый фæдыл сыгъдæг Георгийы номыл аргъуаны Дзæуджыхъæуыккаг æмæ Алайнаг архиепископ Зосима сарæзта аргъуыд. Цыппурсы бæрæгбоны мадзæлттæ райдыдтой æмбисæхсæв æмæ
Дзæуджыхъæуы Сыгъдæг Георгийы аргъуаны Цыппурсы бæрæгбоны æхсæв æрæмбырд æртæ мин адæймагæй фылдæр. Кувæг адæм сыгътой мыдадзын цырæгътæ, Хуыцаумæ куывдтой æмæ дзы курдтой сæ бинонтæн, хиуæттæн æмæ ирон адæмæн æнæниздзинад æмæ сабырдзинад. Бæрæгбоны аргъуыд скодто Дзæуджыхъæуккаг æмæ Алайнаг архиепископ Зосима. Цыппурс у чырыстон дины 12 сæйраг бæрæгбонæй иу. Уырнæг адæмæн ацы бæрæгбон у, хæларзæрдæ æмæ ныфсы нысан.
Бестауты Маргаритæ: «Тынг зæрдиагæй цыдтæн ардæм. Цы ракурын æмæ цы скувын, уымæй мын æдзух баххуыс кæны».
Дзæуджыхъæуккаг æмæ Алайнаг архиепископ Зосима йæ раныхасы иу хатт загъта, чырыстон дунейы Цыппурс сæйраг бæрæгбæттæй иу кæй у, уый.
Кувæг адæмы уырны, ацы бон Хуыцаумæ сыгъдæгзæрдæйæ куы скувой, æмæ дзы исты хорздзинæдтæ куы ракурой, уæд сæ бæллицтæ æмæ фæндтæ æнæмæнг кæй сæххæст уыдзысты, уый.
Кокойты Зæлинæ: «Ацы бæрæгбон у ныфсдæттæг. Алчи Хуыцаумæ фæкувы, æмæ йæм алкæйы куывд дæр хъуысæд».
Цыппурсæй Доныскъæфæнтæм чырыстон диныл хæст адæмæн уæлдай ахсджиагдæр рæстæг у. Бæрæгбоны арфæтимæ фæцæуынц сæхиуæттæм, хæстæджытæмæ æмæ сыхæгтæм. Фæлæ сæйрагдæр у, Хуыцаумæ кувын æмæ хорздзинад кæй æрцæудзæн, ууыл зæрдæйæ æууæндын.
Фыд Саввæ, Дзæухъыхъæуккаг æмæ Алайнаг епархийы секретарь: «Ацы диссаджы цауы фæстæ адæмæн сæ бон Хуыцаумæ кувын у, куыд сæ уæларвон фыдмæ».
Цыппурсы аргъуыды фæстæ фыд Гаглойты Саввæ бакаст Мæскуыйаг æмæ æппæт Уырысы Патриарх Кириллы бæрæгбоны сидт. Уый фæстæ та ирон æвзагыл фехъусын кодта Дзæуджыхъæуккаг æмæ Алайнаг архиепископ Зосимæйы арфæ.
Касаты Наирæ
