Мингай адæм транспаранттимæ араст сты Кировы уынгыл. Бирæтæн сæ зæрдыл æрлæууыд, 1-æм май Советон дуджы куыд бæрæг кодтой, уый.
Цæгат
Ирыстоны сбæрæг кодтой уалдзæджы æмæ фæллойы бон. Мингай адæм транспаранттимæ
араст сты Кировы уынгыл. Бирæтæн сæ зæрдыл æрлæууыд, 1-æм май Советон дуджы
куыд бæрæг кодтой, уый. Абон адæм цавæр цæстæнгасæй кæсынц ацы бæрæгбонмæ, уый
тыххæй радзурдзæн Хъайтмазты Дзерассæ.
Сæрибардзинады, æфсымæрады æмæ социалон рæстдзинады тыххæй. 10 мин
адæймагæй фылдæр архайдтой уалдзæджы æмæ фæллойы боны кадджын цыды. Бирæтæ ма
1-æм майы бæрæгбон хъуыды кæнынц Советон дугæй. Ныр та сæ зæрдыл æрлæууыд уыцы
рæстæг.
Митингы æрмæст алыхуызон организациты æмæ
куыстуæтты минæвæрттæ не сты, фæлæ ма фидæны кусджытæ дæр – фæсивæд. Се *хсæн
студенттæ æмæ скъоладзаутæ.
Адæм араст сты Кировы уынгыл
хæххон аграрон университетæй театралон фæзы онг. Фæллойгæнджыты иудзинад ацы
бон уæлдай æнгом у.
Кировы уынгыл æрцыдысты
политикон партиты, æппæт къабæзты куыстуæтты минæвæрттæ. Уыдысты районтæй
делегацитæ дæр. Раныхас кодтой Ирон театры раз фæзы. Бæрæгбоны архайдта
республикæйы сæргълæууæг Битарты Вячеслав дæр. Профцæдисты разамонæг Касаты
Таймураз куыд загъта, афтæмæй ацы бæрæгбон йæ ахадындзинад никуы фесафдзæн.
Бæрæгбоны концерты архайдта Суанты Кимы номыл оркестр. Адæмы
зæрдæтæ се сфæлдыстадæй барухс кодтой республикæйы зындгонд артисттæ дæр.
