Абон сæйраг æвзарæн къамисы уæнгтæ бафыстой протокол.
Цæгат Ирыстоны скодтой кæронбæттæн хатдзæгтæ æвзæрстытæн. Абон сæйраг æвзарæн къамисы уæнгтæ бафыстой протокол.
Афтæ, республикæйы æппæтæй фылдæр хъæлæстæ радтой Владимир Путинæн – 81 æмæ ‘рдæг проценты. Павел Грудининмæ 11 процентæй чысыл фылдæр. Владимир Жириновский сæмбырд кодта 3 проценты хъæлæстæ. 4-æм бынаты Максим Сурайкин – 2 проценты бæрц. 1 процентæй фылдæр æрæмбырд кодта Борис Титов. Сергей Бабуринæн, Ксения Собчакæн æмæ Григорий Явлинскийæн сæ хъæлæстæ 1 процентæй къаддæр радтой. Сæйраг æвзарæн къамисы сæрдар Моргуаты Жаннæ куыд загъта, афтæмæй, æмтгæй райсгæйæ, æвзæрстытæ бæрзонд æмвæзадыл арæзт æрцыдысты. Йæ ныхæстæм гæсгæ, сайт «Голос»-ы уыд информаци 5 закъонхæлды тыххæй. Уыдонæй 3 разындысты мæнг, 2 хъуыддаджы фæдыл æрмæджытæ æрвыст æрцыдысты барадхъахъхъæнæг оргæнтæм.
