Акци арæзт æрцыд фондз фæзы.
Ивгъуыд фæлладуадзæн бонты
Цæгат Ирыстоны цæрджытæ радон хатт ныффыстой «Тоталон диктант». Акци арæзт
æрцыд æртæ фæзы. Дзæуджыхъæуы Цæгат Ирыстоны паддзахадон университеты,
Разамынды институты æмæ Нацинн наукон библиотекæйы. Текст кастытсты университеты
ахуыргæнджытæ Татьяна Мурадова, Оксана Кравчук, æмæ Беслоты Фатимæ. Тоталон
диктантмæ сæхи бацæттæ кодтой Мæздæджы районы цæрджытæ дæр. Районы центры йæ
ныффыстой дыууæ фæзы: Пушкины æмæ Горьковы номыл библиотекæты. Сæрмагондæй
диктантмæ текст алы аз дæр бацæттæ кæны нырыккон уæрæсейаг фыссæг. Ацы аз у
Гузель Яхина. У роман «Зулейха открывает глаза»-йы автор, премитæ: «Большая
книга», «Ясная Поляна» æмæ «Книга года»-йы хицау. Диктантæн равзæрстой
скъуыддзæгтæ текстытæй «Утро», «День» æмæ «Вечер»-æй. Ныхас дзы цæуы немыцаг
æвзаджы ахуыргæнæджы иу боныл. Акци саразджытæ дуне адих кодтой æртæ хайыл.
Алкæмæн дæр йæхи тексты хай. Дзæуджыхъæуы фыстой æртыккаг хай «Вечер». «Тоталон диктант» фыстой онлайн хуызы дæр, проект
totaldict.ru-йы. Уым уыди æртæ трансляцийы: 8, 11 æмæ 14 сахатыл. Се ппæтæн дæр
фадат уыд цыфæнды эфир фенынæн дæр.
