филиал вгтрк государственная телерадиовещательная компания “Алания”

Цæгат Ирыстоны уыд Æппæтуæрæсеон культурон-спортивон фестиваль «Сабыр Кавказ». Йæ нысан у Уæрæсейы алы регионты æмæ хæстæгдæр фæсарæйнаг бæстæты хсæн бастдзинæдтæ фидардæр кæнын, сабырдзинад тауын, культурæ æмæ спорты руаджы фæсивæды кæрæдзиуыл æнгомдæр бæттын.

Фестивальмæ ссыд, 8 азæй 19 азы онг кæуыл цæуы, ахæм 800 адæймагæй фылдæр Цæгат Кавказы республикæтæй, Хуссар Ирыстонæй, Стъараполы æмæ Краснодары крайтæй, Сомихæй. Ерыстæ арæзт æрцæудзысты æфсæддон хъæбысхæсты хуызтæй, тхэквондо æмæ спортивон кæфтытæй. Æдæппæтæй архайдзысты 9 номинацийы.

Фестиваль байгом кæныны кадджын мадзалмæ сæрмагондæй ссыд зындгонд десантник, комбат, Советон Цæдисы хъæбатыр – Александр Солуянов. Спортсментæн, артисттæн æмæ æрбацæуджытæн «Æгасцуай» загъта республикæйы сæргълæууæг Мамсыртаты Таймураз.