22 апреля 2013, 11:40
Цæгат Ирыстоны уыд аивадон гимнастикæйæ турнир
Дзæуджыхъæуы Дзарасаты Саукуыдзы номыл спорткомплексы арæзт æрцыдысты Уæрæсейы сгуыхт тренер Дулаты Казимæйы номарæн æрвылазон ерыстæ аивадон гимнастикæйæ.
Дзæуджыхъæуы Дзарасаты Саукуыдзы номыл спорткомплексы арæзт æрцыдысты Уæрæсейы сгуыхт тренер Дулаты Казимæйы номарæн æрвылазон ерыстæ аивадон гимнастикæйæ.
Дыууæ боны дæргъы дзы сæ арæхстдзинад æвдыстой Цæгат Ирыстоны, Кæсæг Балхъары, Стъараполы крайы æмæ Астраханы облæсты спортсменкæтæ. Æдæппæтæй 100 адæймагæй фылдæр. Йæ рæстæджы Дулаты Казимæйы фæрцы нæ республикæйы байгом сæрмагонд спортивон скъола, фæстæдæр дзы олимпаг хъæзтытæм цæттæ кæнын райдыдтой гимнасткæты. Дулаты Казимæ схъомыл кодта Советон Цæдисы 30 спорты мастеры. Тренеры хъомылгæнинæгтæ систы алыхуызон ерысты уæлахиздзаутæ æмæ Советон Цæдисы чемпионкæтæ. Цы методикæмæ гæсгæ сæ ахуыр кодта, уымæн Уæрæсейы зынгонд тернертæ абон дæр кæнынц стыр аргъ.
темæмæ гæсгæ
