10 апреля 2014, 16:58
Цæгат Ирыстоны уыдзæн Уæрæсейы Федерацийы Советы наукæйы, ахуырады æмæ культурæйы Комитеты æмбырд
Йæ сæргъы та Федералон æмбырды Уæлдæр палатæйы спикер Валентинæ Матвиенко. Делегаци нæ республикæмæ ссæудзæн 15-æм майы. Бæрнон кусджытæ æрныхас кæндзысты Цæгат Кавказы историон-культурон бынтæ бахъахъхъæныныл.
Йæ сæргъы та Федералон æмбырды Уæлдæр палатæйы спикер Валентинæ Матвиенко. Делегаци нæ республикæмæ ссæудзæн 15-æм майы. Бæрнон кусджытæ æрныхас кæндзысты Цæгат Кавказы историон-культурон бынтæ бахъахъхъæныныл. Абон нæ ресупбликæйы организацион комитеты æмбырды дзырдтой егъау делегацийы программæйыл. Куыд радзырдтой, афтæмæй фембæлды архайджытæ фендзысты æппæтадæмон фестиваль «Хæлардзинады кафты» гала-концерт, бабæрæг кæндзысты национ музей, культурæйы Парк, Сунниттаг мæзджыт æмæ Уæлахизхæссæг Георгийы номыл аргъуан. Кадджын уазджытæ фембæлдзысты национ-культурон æхсæнадты минæвæрттимæ, базонгæ уыдзысты ахуыргæнæндæтты архайдимæ. Абалц кæндзысты Куырттаты коммæ дæр. Уым сын арæзт æрцæудзæн нæлгоймæгты Алайнаг моладзандонмæ экскурси. Егъау æмбырды хатдзæгтыл та комитеты уæнгтæ æрныхас кæндзысты Цæгат Ирыстоны Сæргълæууæг Мамсыраты Таймуразимæ.
темæмæ гæсгæ
