31 января 2013, 11:28
Цæгат Кавказы 2015-æм азмæ среконконструкци кæндзысты 6 аэропорты, семæ аэропорт «Дзæуджыхъæу» дæр
Уæлдæфон транспорты регионалон агентады сæргълæууæджы хæдивæг Анатолий Пчелины хъусынгæнинагмæ гæсгæ, Беслæны аэропорты базилдзысты инфраструктурæмæ, стæй, хæдтæхджытæ цы фæндагыл стæхынц æмæ æрбадынц, уымæ.
Уæлдæфон транспорты регионалон агентады сæргълæууæджы хæдивæг Анатолий Пчелины хъусынгæнинагмæ гæсгæ, Беслæны аэропорты базилдзысты инфраструктурæмæ, стæй, хæдтæхджытæ цы фæндагыл стæхынц æмæ æрбадынц, уымæ. Сæвæрдзысты дзы нырыккон видеокамерæтæ, фæхуыздæр уыдзысты радиотехникон фæрæзтæ, электрон бастдзинады æмæ æдасдзинады системæтæ. Ацы хъуыддæгтæ саразыныл федералон бюджетæй хардзгонд æрцæудзæн дыууæ æмæ æрдæг миллиард сомы. Æхцатæ лæвæрд æрцæудзысты, паддзахадон экспертизæ проект хорзыл куы банымайа уæд. Реконструкцийы фæстæ аэропорты стæхæн фæз кусдзæн æхсæвæй бонæй. Бафтдзæн рейсытыл дæр. Хуссары зылды æмæ Цæгат Кавказы регионты *хсæн бæлццæтты ласынæн сараздзысты хицæн авиакомпани æмæ хæдтæхджытæ тæхдзысты Дзæуджыхъæуæй – Ростовмæ æмæ Дзæуджыхъæуæй Махачкаламæ.
темæмæ гæсгæ
