филиал вгтрк государственная телерадиовещательная компания “Алания”

Цæгат-Кавказы аграрон – технологон колледжы, традицимæ гæсгæ, арæзт цæуы конкурс World Skils Russia. Йæ архайджытæ сты Уæрæсейы 10 регионæй: Мæскуыйæ – Ханты-Мансийскмæ. Сæ размæ лæууы хæс, алыхуызон чъиритæ скæнын: æртæдзыхонтæй райдай, æмæ ирон адджын пирогтæй фæуы. Æвзарæн ерыстæ цæудзысты 5 боны. 6-æм майы та сбæрæг уыдзысты уæлахиздзаутæ. Уыдон сæрбæрзондæй хæсдзысты Уæрæсейы чемпионты нæмттæ. Конкурсантты арæхстдзинадæн æвдисæн уыди не сфæлдыстадон къорд дæр.

Эксперт конкурсантты зæрдыл лæууын кæны, алы минут дæр ахсджиаг кæй у, уый. Иууылдæр сты ирон чъиритæ кæнынæй æвзарæн къæпхæны уæлахиздзаутæ. Æвзонг кæрдзынгæнджыты кусæн бынæттæ цæттæ сты рагацау, мæнæ мæнæ хыссæ ссæуа, æмæ уæд равдисдзысты сæ арæхстдзинад.

Конкурс традицимæ гæсгæ арæзт цæуы Цæгат-Кавказы аграрон – технологон колледжы бындурыл. Йæ архайджытæ Уæрæсейы 10 регионæй – Мæскуыйæ Ханты-Мансийскмæ, 5 боны архайдзысты иттæг хорз сæ хæстæ сæххæст кæныныл. Хъуамæ скæной алы хуызон чъиритæ: æртæдзыхонтæй райдай, æмæ ирон пирогтæй фæу. Эксперттæ аргъ кæнынц алы фæзилæнæн дæр. Чъириты ад, стъолмæ куыд лæвæрд æрцыдысты, кусæн бынаты санитарон уавæр. Иу ныхасæй домæнтæ карз.

Конкурсы уазджытæ æмæ фарсхæцджытæн сæ бон æрмæст конкурсантты куыстмæ цæстдарын нæ, фæлæ ма ирон адæмы сæйраг хæринаг ацаходын дæр.

Ахуыргæнæндоны æнæрлæугæйæ куыст цæуы дунеон стандарттæ фидар кæныныл. Конкурсимæ уыцы иу рæстæг колледжы цæттæ кæнынц хатдзæгтæгæнæн фæлварæнтæм. Фыццаградон хæс – профессионалон кадртæ цæттæ кæнын.

Æвзарæн ерыстæ цæудзысты 5 боны. Архайджытæм æнхъæлмæ кæсы дæсныйадæвдисæн ахуыртæ, фембæлдтытæ, семинартæ, концертон программæ. 6-æм майы та сбæрæг уыдзысты уæлахиздзаутæ. Уыдон сæрбæрзондæй хæсдзысты Уæрæсейы чемпионы нæмттæ.