Цæгат Кавказы федералон зылды ахуыргæнæндæтты рауагъдонтæ куысты бынæттæй сты се ппæтæй къаддæр æххæст. Ацы фарстайыл ныхас цыд, Цæгат Ирыстоны паддахадон универстиеты цы семинар ацыд, уым.
Цæгат Кавказы федералон зылды
ахуыргæнæндæтты рауагъдонтæ куысты бынæттæй сты се ппæтæй къаддæр
æххæст. Ацы фарстайыл ныхас цыд, Цæгат Ирыстоны паддахадон
универстиеты цы семинар ацыд, уым.
Архайдтой дзы республикæйы æмæ Цæгат
Кавказы зылды ахуыргæнæндæтты минæвæрттæ, регионты хсæн ресурсон центры,
базарадон-промышленнон палатæйы æмæ адæмæн куыст дæттыны комитеты
разамонджытæ. Специалисттæ куыд зæгъынц, афтæмæй ахæм уавæр сæвзæрд,
регионы райрæзт ныллæг æмвæзадыл кæй ис, уый тыххæй. Адæмæн куыст
дæттыны комитеты бæрæггæнæнтæм гæсгæ, Цæгат Ирыстоны æгуыст адæм ис 8%
чысыл фылдæр. Афæдзы райдианæй, 16-æй -29 азы онг кæуыл цæуы, уыцы
фæсивæды хсæн æгуыстыл нымад сты 40%. Ахæм уавæры аххосагтæй иу у,
фæсивæды хуымæтæг кусджыты æмæ лæггадгæнæг специалисттæ уæвыны бæсты,
офисты кусын кæй фæфæнды, уый.
Челдыты Верæ, 17-æм профессионалон
лицейы директор: «Нæ фæсивæд ахуыр куы фæуой, уæд хъуамæ райдайой кусын.
Нæ училищæйы ахуыргæнинæгтæ ахуыры фæстæ уайтагъд кусын райдайынц.
Ахуыры рæстæг дæр сæ фæагурынц куыстуæттæ. Иу адæймаг дæр нæм нæй, ахуыр
фæцис æмæ нæ кусы. Размæ фæцæуынц нæ фæсивæд, фæзæгъынц, зæгъгæ, мах
хъуамæ ахуыр кæнæм æмæ хорз зонындзинæдтæ райсæм».
