Хæстæгдæр 2 азæн мадзæлтты пълан снысан кодтой Красноярскы экономикон форум «Сибирь: экономика будущего»-йы фæзы
Цæгат Ирыстон æмæ Красноярскы край баныхас кодтой базарадон-экономикон, наукон-техникон æмæ культурæйы къабæзты рæзтыл æмгуыстады тыххæй. Хæстæгдæр 2 азæн мадзæлтты пълан снысан кодтой Красноярскы экономикон форум «Сибирь: экономика будущего»-йы фæзы. Документ бафидар кодтой Сергей Меняйло æмæ Красноярскы крайы губернатор Александр Усс. Документы амынд ис регионты экспорты рæзты фарстаты фæдыл информаци æмæ национ проектты фæлгæты регионалон проекттæ куыд æххæстгонд цæуынц, уый тыххæй кæрæдзийы фæлтæрддзинадимæ зонгæ кæнын. Æнгом æмгуыстад нысан кæнынц скъолайы агъоммæйы рæзты къабазы, стæй цæрæнуæтты, социалон-культурон æмæ промышленнон объектты арæзтадмæ инвесторты æргом здахыны фарстаты.
