филиал вгтрк государственная телерадиовещательная компания “Алания”

Цæгат Ирыстон архайы чингуыты егъау фестивалы Сырх Фæзы. Мадзал арæзт æрцыд Мæскуыйы æмæ дзы архайынц 400 рауагъдады нæ бæстæйы алы регионтæй, уыдонимæ фысджытæ, поэттæ, журналисттæ æмæ артисттæ. Уазджытæн равдыстой  сæдæ мин чиныгæй фылдæр. Уымæй дарддæр арæзт цæудзысты лекцитæ, дæсныйадæвдисæг ахуыртæ, спектакльтæ. Фестивалы архайы нæ республикæйы делегаци дæр. Цæгат Ирыстоны стенды сты рауагъдадтæ Ир, Респект, Харизма, Перо и кисты конд продукци. Делегацийы уæнгтæ сты республикæйы литературон-аивадон журналтæ «Мах дуг», «Дарьял», æмæ сывæллæтты журнал «Ногдзау»-ы редактортæ æмæ рауагъдæдты минæвæрттæ. Знон уыд нæ республикæйы стенды презентаци. Равдыстой дзы нæ регионы чингуытыл афæлгæст.