Нæ республикæйы делегаци у егъаудæртæй иу
Цæгат Ирыстон архайы нырыккон журналистикæйы 26-æм форумы «Вся Россия-2022»-йы. Мадзал арæзт цæуы Сочийы. Нæ республикæйы делегаци у егъаудæртæй иу. Хаст æм æрцыд 18 журналисты, республикæйы æппæт дзыллон информацион фæрзтæй. Медиафорумы ахуырадон программæмæ хаст æрцыдысты зындгонд журналисттимæ фембæлдтытæ, дæсныйад æвдисæг ахуыртæ, тымбыл стъолтæ. Архайы дзы дискусситæ кæнæн клуб æмæ телевизион уæзæгуат. Форумы фæлгæты байгом сæрмагонд равдыст, равæрдтой Уæрæсейы регионты 30 презентацийы æмæ медиапроекты. Нæ республикйы стендыл фенæн ис регионалон мыхуыры æмæ рауагъдады продукци. Баст у Аланийыл саргъуыды 1100-бонимæ. Цæгат Ирыстоны презентацион стенд бабæрæг кодта Уæрæсейы журналистты цæдисы сæрдар Владимир Соловьев.
