Президенты хæслæвæрдмæ гæсгæ йæ æххæст кæны Уæрæсейы фæсивæдон змæлд
Цæгат Ирыстон архайы Уæрæсейы фæсивæдон политикæйы комплексон рæзты программæ «Регион для молодых»-ы конкурсон æвзæрсты. Президенты хæслæвæрдмæ гæсгæ йæ æххæст кæны Уæрæсейы фæсивæдон змæлд. Республикæ бахаста сæрмагонд программæ. Йæ бахъахъхъæныны мадзалы видеоконференцийы архайдта Премьер Дзанайты Барис. Конкурс «Регион для молодых» æххæстгонд цæуы национ проект «Фæсивæд æмæ сывæллæттæ»-йы федералон проект «Россия-страна возможностей»-ы тыхтæй. Цæгат Ирыстон амæй размæ дæр уыди æвзарæн къæпхæны уæлахиздзау. Уый фæрцы, 2023-æм азы республикæмæ æфтиаг æрбацыди 105 милуан сомы. Уæд, уыцы фæрæзтæй сног кодтой фæсивæдон галуаны иу хай: цалцæггонд дзы æрцыдысты актон æмæ спортивон залтæ, тренажертæ, музыкæ фыссæн студи, баивтой хъармгæнæн æмæ дондзæуæн системæтæ, сног кодтой материалон-техникон бындур. Ацы хатт республикæ фæнд кæны объекты куыстытæ кæронмæ фæуын æмæ дзы ног инфраструктурæ скæнын. Дзанайты Барис куыд загъта, афтæмæй йæ зæрдæ дары, Цæгат Ирыстоны программæ федералон æмвæзадыл хорзыл нымад кæй æрцæудзæн, ууыл.
