Нæ республикæ йæм, иннæ регионы æмрæнхъ, бацæттæ кодта йæхи бренд – алайнаг æмæ ирон чъиритæ, стæй ирон цыхт
Цæгат Ирыстон арвыста 4 курдиаты æппæтуæрæсеон конкурс «Вкусы России»-мæ. Нæ республикæ йæм, иннæ регионы æмрæнхъ, бацæттæ кодта йæхи бренд – алайнаг æмæ ирон чъиритæ, стæй ирон цыхт. Конкурс у фыццаг къæпхæн, ахæм продукцийæн æххуысы программæйы. Царды йæ уадзы Уæрæсейы хъæууон хæдзарады министрад. Ирыстойнаг продукцийæ алкæцы дæр у уникалон. Уымæн æмæ сын ис æнусон истори. Ирыстоны кад хъахъхъæнын кæмæ æрхауди, уыцы куыстуæттæй иуы хорз æххæст кæнынц æппæт стандарттæ. Иу бонмæ сфыцынц 1200 чъирийы. Заказтæ та сæм цæуынц канд Цæгат Кавказы федералон зылдæй нæ, фæлæ ма Мæскуыйæ, Санкт-Петербургæй, Ростовы облæстæй æмæ Краснодары крайæ. Кæд бирæ заказтæ исынц, уæддæр сæ продукцийы хæрзхъæддзинад уымæй нæ сафы. Конкурсы фæрцы Уæрæсейы цæрджытæ зонгæ кæнынц нæ бæстæйы чысыл æмæ атсæуккаг бизнесы æнтыстдзинæдтимæ. Уæлахиздзауты равзардзæн сæрмагонд къамис. Хаст æм æрцыдысты æххæстгæнæн хицаудзинады федералон оргæнты, Федерацийы Советы, Паддзахадон Думæйы минæвæрттæ, амалхъом адæмы иугæндты æмæ бизнес-æхсæнады специалисттæ. Æдæппæтæй 8 номинацийы равзардзысты 22 финалисты.
