15 августа 2024, 11:20
Цæгат Ирыстон ацы азы 7 мæйы хатдзæгтæм гæсгæ, Уæрæсейы иннæ регионтæм спаржæ рвитын райдыдта 34% фылдæр
Уый, фароны бæрæггæнæнтимæ абаргæйæ. Республикæйæ ласт æрцыди 145 тонны продукт. Фехъусын кодта Уæрæсейы фæлхасадмæ цæстдарды регионты хсæн цæгат-кавазаг управлени. Ведомствæйы куыд зæгъынц, афтæмæй Цæгат Ирыстоны цы спаржæ æрзайын кæнынц, уый æрвитынц Уæрæсейы 31 регионмæ. Продукци фылдæр æрвитынц Краснодары краймæ, Мæскуымæ æмæ Мæскуыйы облæстмæ, Санкт-Петербургмæ æмæ Ленинграды облæстмæ.
Дзæвгар спаржæ аластой Ростовы æмæ Воронежы облæстмæ дæр. Æппæт партитæ ацæуынц фитосанитарон экспертизæ æмæ дзуапп дæттынц карантины домæнтæн, загътой ведомствæйы. Зæгъдзыстæм ма уый дæр, æмæ 2028-æм азы онг регионы фæнд кæнынц спаржæ садзыны фæзуæттæ ноджыдæр дыууæ хатты фæфылдæр кæнын – 100 гектары онг.
темæмæ гæсгæ
